‘Yan ta’adda sun Sace motar bus cike da fasinja a jihar katsina.

Spread the love

Yan bindiga sun sace mota cike da fasinja a Katsina

Wasu ‘yan bindiga da ake zargin‘ yan fashi ne sun yi garkuwa da wata motar bas ta kasuwanci dauke da fasinjoji a karamar hukumar Jibia da ke jihar Katsina.

Lamarin ya faru ne a ranar Talata a hanyar Shimfida zuwa hanyar Gurbin Baure.

Har zuwa lokacin hada wannan rahoton, Katsina Post ba ta iya tantance adadin fasinjojin da motar bas din ke dauke da su ba.
Kuna iya tunawa cewa jiya wasu ‘yan bindiga sun sace wani basarake tare da wasu mutane 14 a wani gari da ke karamar hukumar Danmusa a Katsina.

Jihar Katsina ta jima tana fuskantar hare-haren ‘yan fashi wanda ya haifar da kashe-kashe da garkuwa da mutane.

Leave a Reply