Kullum kashemu akeyi amma Buhari Babu ruwansa ~Inji Shehu Sani.

Spread the love

Tsohon sanatan da ya wakilci gundumar Kaduna ta tsakiya a majalisar dattijai, Kwamared Shehu Sani, ya ce mambobin majalisar wakilai na tsoron shugaban kasa Muhammad Buhari Hakan na Zuwa ne bayan shawarar da shugaban ya yanke na kin mutunta gayyatar bayyana a gaban majalisar.

Da yake jawabi a sashen Hausa na BBC, Sani ya jaddada bukatar shugaban ya bayyana a gaban majalisar dokokin kasar don amsa tambayoyi kan rashin tsaro.

Ya ce babu wani dalili da zai sa su gayyaci shugaban kasar daga baya su ki amincewa da ra’ayin.
Ana kashe mutane a kullum, ana sace dubunnan mutane kuma an sace da yawa amma da alama fadar shugaban kasa ba ta damu ba. Don haka, ban ga wani dalili da zai sa su ƙi amsa gayyatar shugaban ƙasar ya bayyana a gabansu ba. Wadannan suna daga cikin dalilan da suka sa aka zabi Jonathan amma har yanzu muna gani.

“Mece ce ma’anar gayyatar idan har yanzu za ku ki? Wannan yana nufin kuna tsoron shugaban kasa. Gayyatar za ta taimaka wa shugaban wajen bayyana kansa ga ‘yan Nijeriya sannan kuma ya fitar da shirye-shiryensa na nan gaba,” inji shi.

Ya ce majalisar kasa ya kamata ta zama wani wuri domin kara muryoyin mutane tare da sanya ido kan ayyuka da ayyukan gwamnati.

Leave a Reply