Marasa kishin kasa da barayi ne ke tafiyar da wannan gwamnati,” in ji Mista Ndume.
Dan Majalisar Dattawa, Ali Ndume, ya caccaki gwamnatin Shugaba Bola Tinubu, yana mai cewa ‘yan kakistocrats ne ke tafiyar da ita—wadanda ake ganin ba su da cancanta kuma marasa kishin kasa-da kleptocrats, wadanda ke da ikon yin sata kawai.
Mista Ndume, wanda dan jam’iyyar All Progressives Congress ne mai mulki, ya yi magana ne a wata hira da aka yi da shi a gidan talabijin na Arise a ranar Juma’a.
“Ya kamata in kasance daya daga cikin manyan jami’an wannan gwamnati. Ina da dangantaka ta sirri da Mista President tun da daɗewa (sic). Mun yi imani da Sabunta bege. Amma kamar yadda na ce, ina magana kai tsaye. Wannan gwamnati tana durkushewa ne saboda yanzu kakistorcracts ne ke tafiyar da ita. Kakistocrats gwamnati ce da mafi muni, marasa kishin ƙasa ke tafiyar da ita. Kakistocrats da kleptocrats ne ke tafiyar da wannan gwamnati.”
Duk da niyya ta farko da Mista Tinubu ya yi tare da Renewed Hope Agenda, Mista Ndume ya bayar da hujjar cewa cimma burin ya bukaci kungiyar da ke da irin wannan hangen nesa.
“Abin takaicin ba shine abin da Shugaban kasa ke shirin yi ba; da gaske yana nufin sabunta bege, amma za ku iya yin hakan ne kawai idan kuna da mutane a kusa da ku masu irin wannan tunani,” in ji Mista Ndume.
Da aka tuntubi Kakakin Mista Tinubu, Ajuri Ngelale, wayar ta yi kara a ranar Asabar, Amma bai amsa ba. Sai dai, wani babban mai taimaka wa Mista Tinubu kan harkokin yada labarai, Tope Ajayi, ya yi watsi da sukar Mista Ndume da cewa ba su da tushe balle makama.
“Sanata Ali Ndume ya yi kaurin suna wajen kasancewarsa mai yawan magana. Ƙarfinsa na tunanin kansa yana da ƙaranci. Masu hali irinsa suna tunawa da halin da talakawa ke ciki da irin wahalhalun da ‘yan Najeriya ke ciki ne kawai idan burinsu ya ci tura. Sanata Ndume yakan manta da talakawa da ‘ya’yansu idan ana maganar samun mukamai ga ‘ya’yansa a cibiyoyi kamar CBN, NNPC, da sauran manyan hukumomin gwamnati,” in ji Mista Ajayi a wani sakon Twitter da ya wallafa a ranar Juma’a.
