Abdullahi Abbas bai cancanta ya Zama Jagora Mai daraja Kamar APC ba ~Inji Muaz win win.

Spread the love

Wani tsohon Kwamishinan Ayyuka a Jihar Kano Injiniya Muaz Magaji Dawakin Tofa ya ce Shugaban rikon Jam’iyyar All Progressives Congress a jihar Kano da ke Arewa maso Yammacin Najeriya Abdullahi Abbas bai cancanci ya jagoranci jam’iyyar siyasa kamar APC ba.
Injiniya Muaz Magaji ya bayyana haka ne a wata hira da fitaccen shirin siyasa na Freedom Radio mai suna Kowanne Gauta.
Dan siyasar wanda a kwanan nan ya fito da taken siyasa Win-Win ya ce shugaban rikon kwarya na Kano ba ya tunani ta hanyar dimokiradiyya, a koyaushe yana tunani ne a matsayin mutum mai sarauta kuma mutum ba zai iya hada sarauta da dimokiradiyya da siyasa ba.

‘’ Na jima ina cewa Abdullahi Abbas bai cancanci shugabancin ba APC kadai ba har ma da kowace jam’iyyar siyasa.

Muaz Magaji ya kuma kira Dansarauniya ya soki shugaban jam’iyyar kan kiran da ya yi kan shirin yin magudin babban zaben 2023 ’’
Injiniya Muaz ya kara da cewa idan har akwai dokoki masu tsauri na hukunta masu laifi a Najeriya duk wanda ya yi kira da a yi magudi to ya hukunta shi.

Dan siyasar wanda ke kiran a kawo sauyi a APC ya ce Alhaji Abdullahi Abbas bai yi irin wannan kiran na yin magudi a babban zaben 2023 a madadin APC ba amma ra’ayin kansa.

Kwanan nan a Kano, manyan ‘yan siyasar biyu suna ta cacar baki da juna, Abdullahi Abbas ya kuma yi kira ga Gwamna Ganduje da ya yi hattara da mutane irin su Muaz Magaji.

Shugaban rikon ya yi wannan bayanin ne a yayin kaddamar da kwamitin riko na APC da aka gudanar a Kano.
Ya mai girma mai girma ya kamata ka sanya ido kan wadanda ka baiwa mukami a mukamai masu mahimmanci, sun shiga kafafen sada zumunta, suna zagin shugabannin jam’iyya, suna zagin shugabanni suna zagin duk wanda suka ji zagi.

Leave a Reply