Gwamna Uba sani na Kaduna ya yi Taron gaggawa da sarakunan gargajiya da Shugabannin tsaro domin kawo karshen matsalar ta’addanci a jihar Kaduna

Gwamna Uba Sani na jihar Kaduna ya yi wani taron gaggawa kan matsalar tsaro da wasu sarakunan gargajiya da shugabannin hukumomin tsaro kan matsalar tsaro a jihar.

Taron wanda ya gudana a ranar Talatar da ta gabata jiya a gidan gwamnatin jihar na Sir Kashim Ibrahim da ke Kaduna, ya biyo bayan sake barkewar hare-haren garkuwa da mutane da ‘yan bindiga a garuruwan Soba, Zariya, Birnin-Gwari da wasu sassan jihar Kaduna.

Taron dai ya samu halartar mambobin majalisar tsaro ta jihar da suka hada da mataimakiyar gwamna, Dakta Hadiza Balarabe; Sarkin Zazzau, Ambasada Nuhu Bamalli; Sarkin Birnin-Gwari; Kwamishinan ‘yan sandan jihar; Darakta, Hukumar Tsaro ta Jiha; da wakilan rundunonin soji da na jami’an tsaro.

Uba sani, wanda ya jagoranci taron, ya yi kira da a karfafa hadin gwiwa tsakanin hukumomin tsaro, sarakunan gargajiya da jama’a.

Gwamnan ya kuma bayyana kudurin sa na bayar da tallafin da ya dace ga hukumomin tsaro domin su samu damar gudanar da ayyukansu yadda ya kamata.

Shuwagabannin hukumomin tsaro sun gabatar da jawabai kan kalubalen tsaro a yankunan Soba da Birnin Gwari da wasu kananan hukumomin inda suka yi bitar irin ci gaban da aka samu kawo yanzu wajen magance matsalolin.

Da yake zantawa da manema labarai bayan taron, mai kula da ma’aikatar tsaron cikin gida da harkokin cikin gida ta jihar Kaduna, Samuel Aruwan, ya bayyana cewa kwamitin tsaro ya cimma matsaya da dama kan yadda za a tunkari matsalar.

Sauran wuraren da aka magance su sun hada da barazanar tsaro da ke kunno kai kamar ‘yan fashi, garkuwa da mutane, gungun kungiyoyin tashi hankali, fashi da makami, da sauran laifuka a fadin jihar Kaduna.