Tsohon gwamnan jihar Ribas, Nyesom Wike ya bayyana abin da zai yi idan shugaba Bola Tinubu ya ba shi mukami.
Wike ya ce zai tuntubi matarsa da abokansa idan Tinubu ya ba shi mukami.
Da yake magana da BBC Pidgin, jigon jam’iyyar PDP, ya kuma lura cewa yana son ya huta bayan ya yi gwamna na tsawon shekaru takwas.
A cewar Wike: “Zan huta; Na yi aiki na tsawon shekaru takwas, don haka zan huta.
“Tinubu bai sanar da ni ba game da bani mukami; Ban yi girman da zan bauta wa kasata ba, amma bai taba gaya mani cewa zai ba ni mukami ba.
“Idan ya tambaye ni, abu na farko da zan fara yi shi ne na tambayi matata da abokai abin da suke tunani game da shi.
“Zan kuma tantance kaina idan na shirya. Ba zan taɓa yin abin da ban shirya ba.”
