Jam’iyyar APC a Zamfara ta kare ministan tsaron Matawalle bisa zargin daukar nauyin ‘yan bindiga.
Jam’iyyar All Progressives Congress reshen jihar Zamfara a ranar Alhamis ta yaba wa shugaban kasa Bola Tinubu bisa yin watsi da kiran da aka yi na korar karamin ministan tsaronsa, Bello Matawalle, inda ya bayyana cewa zargin da ya dauki nauyin wasu ‘yan bindiga da ke addabar jihar bai da tushe.
Jam’iyyar ta kuma bukaci gwamna mai ci Dauda Lawal da ya yi la’akari da yadda za a yi amfani da hanyoyin da matawalle yabi wajen yaki da matsalar rashin tsaro a jihar.
Wannan roko ya zo ne kwanaki biyu bayan da daruruwan mata da matasa daga jihar suka gudanar da zanga-zanga a hedikwatar hukumar da ke Abuja kan tabarbarewar tsaro a Zamfara.
Masu zanga-zangar sun kuma zargi tsohon gwamnan jihar kan daukar nauyin ayyukan ‘yan bindigar da suka yi ikirarin cewa ya yi hadin gwiwa da su a lokacin gwamnatinsa.
